نكت مضحكة جدا وفوازير

افضل نكت مضحكه 2022

نكت مضحكه

نكت مضحكه تعد الطريقة المثلى لتتخلص من جميع ضغوطك النفسية، حيث إن الضحك يعتبر هو المتنفس الوحيد حتى تنتهي الضغوط النفسية والاكتئاب اللذان تمر بهما، كما أن الضحك له الكثير من الفوائد، منها يجعلك مليئًا بالطاقة والحيوية ومتفائلا وخاليًا من الهموم، وبمجرد قيامك بالضحك  يفرز جسمك تلقائيًا هرمونات تمنحك السعادة.

 

نكت مضحكه

توجد الكثير من النكت المضحكة التي يمكنك قراءتها والضحك كثيرًا، تعرف عليها من نكت مضحكة جدا مثل:

  • مرة راجل قال لمراته: إيه رأيك نرجع زي زمان؟ ضحكت وقالت له: إزاي يا حبيبي؟ قالها: لا أعرفك ولا تعرفيني.
  • مريض راح يكشف عند دكتور سوداني، راح الدكتور قاله: عندك فيروز في الرئة، راح قاله: حلو أوي فتش يمكن تلاقي نانسي في كليتي.
  • واحد قال لصاحبه متجوز، مش عيب مراتك ترمي عليك الشبشب وإحنا قاعدين؟ راح قاله: طب بذمتك هو جه عليّ؟
  • مرة واحد ماشي خبطته عربية أخد تعويض 5 آلاف، راح وقف قدام قطر وقاله خش عليّ يا أبو الملايين.
  • مذيعة بتسأل واحد محشش بتقوله أحمد زويل أخد جايزة نوبل فين؟ راح قالها في علبة قطيفة لونها أحمر.
  • في يوم واحد زملكاوي مراته قالتله هروح عند أهلي، راح قالها ماشي إسماعيلي شوية.
  • بخيل اشترى تليفون جديد وراح حطه في جيبه اللي ورا، وراح نسي وقعد على الكرسي، فسمع صوت حاجة بتتكسر، فراح قال يا رب يكون عمودي الفقري.
  • مرة واحد ومراته اتخانقوا، فراحوا بطلوا يكلموا بعض، راح كاتب ورقة صحيني الساعة 6 ونص عشان أروح الشغل، وراح حط الورقة على السرير ونام، صحي لقاها الساعة 10، فراح لقي الورقة مكتوب عليها يلا اصحى الساعة 6 ونص.
نكت مضحكه
نكت مضحكه

 

إقرأ أيضا:أقوى نكت بتفرط ضحك 2022 جديدة

 

نكت مضحكة موت قصيرة

هناك نكت مضحكه كثيرة قصيرة تموت من الضحك، منها:

  • واحد مسطول ركب تاكسي راح السواق نزل عشان يشتري سجاير لقاه خلع الفتيس من العربية، لما رجع السواق سأله إنت خلعتها ليه؟ فراح قاله شفتك بتلخلخ فيها فقولت أشلهالك عشان تعبتك.
  • مرة واحد بخيل راح يزور أمه في المستشفى شاف الباب مكتوب عليه ادفع، راح لف ورجع وقال هبقى أروح أزورها في البيت لما تطلع.
  • في يوم سلحفاة راحت مطعم وطلبت رز، فراح الجرسون شالها ورماها بره المطعم، راحت رجعاله تاني بعد شهر وقالتله متزقنيش.
  • واحد خاطب سأل خطيبته هو فيه حد قبلي لمس إيدك؟ راحت سكتت، قالها: إنت زعلتي ولا إيه؟! قالتله: لا.. بس بعدهم، راح قالها: آه يا حيوانة.
  • مرة ست بريطانية طلبت من جوزها الطلاق لأنه بيدوس على معجون الأسنان من النص، وقالت: مبيعرفش الإتيكيت، راح القائي قالها: يا ست استعيذي من الشيطان، واحمدي ربنا إنه بينظف أسنانه، ده فيه ناس عندنا لو ضحكت بتشوفي سمبوسك رمضان.
  • زوجة قال لها زوجها: انا ليك ومنك وبك وإليك وبدونك أنا لا شيء، فقالت له: من الآخر اذهب لن أبيعه.
  • طالب بيسأل طالب تاني بيقوله: هي الهند بعيدة؟ راح رد عليه وقاله: لا.. معتقدش، فيه طالب هنا زميلنا هندي بييجي المدرسة كل يوم الصبح على عجلته.

تعرف على…نكت قصيرة تموت من الضحك 2022

إقرأ أيضا:نكت عن البنات والمكياج مضحكة 2022

 

نكت مضحكة مصرية 2021

إن كنت من عاشقي النكت المصرية توجد نكت مضحكه مصرية كثيرة، منها:

  • محامي مكانش عارف يتغدى في بيته عشان كانوا موكلينه قضية.
  • في مرة أخطبوط كان زعلان عشان مش عارف إيديه من رجليه.
  • مرة فتاة سألت حبيبها: هل ستحبني أيضًا بعد الزواج؟ رد عليها قائلا: نعم يا حبيبتي إن لم يمانع زوجك.
  • محشش اسمه سالم زعل من أهله في البيت وفكر يروح يسافر، ولما راح المطار شاف لوحة مكتوب عليها “ارجع لنا سالم”، راح رجع بيته يبكي وقالهم طب زعلتوني ليه؟!
  • في يوم جبان عاوز ينط من الدور العاشر، راح نط من الدور الخامس مرتين.
  • مرة صعيدي رمى خطيبته من على الجبل وماتت، راح قالها: هو إنت مش بتستحملي الهزار ليه؟
  • مرة طالب قال لمدرسته: بحبك وعايز أتجوزك، راحت المدرسة قالتله: بس أنا مش بحب الولاد الصغيرين، رد عليها وقالها: وأنا مش مستعجل على الأولاد.

اقرا عن…نكت سامجه سخيفة جدا تضحك 2022

 

نكت مضحكة مكتوبة

توجد الكثير من نكت مضحكه مكتوبة التي فور قراءتك لها تجد نفسك تضحك كثيرًا، منها:

إقرأ أيضا:نكت لبنانية مضحكة + بايخة 2022
  • فيه نملة طلعت فوق الشجرة، ليه؟ عشان تكمل دراسات عليا.
  • مرة واحد محشش صدم 2 الأول مات والتاني عايز يتخانق، راح المحشش قاله: شوف أخوك مات وماقالش ولا أي حاجة.
  • واحدة متجوزة فتحت جواز سفر زوجها، لقيت مكتوب عند المهنة رجل أعمال، راحت مسحت أعمال وكتبت سنية.
  • بنت اسمها سميرة عمارة راحت نطت من فوق أبوها انتحرت.
  • فرخة جابت مجموع دخلها ملية حكوووووووك
  • بنت اسمها إنجي في يوم اتأخرت على الشغل راح المدير قالها إنجي اطلعي برااااااااا.

 

نكت مضحكة قصيرة

النكت المضحكة القصيرة لا تعد ولا تحصى، منها:

  • مرة واحد نجار عجبه بوست راح عمل ايه؟ مشنيره.
  • في يوم مهندس عايز يسيب الشغل راح قالها أنا مستطيل.
  • واحد راح يخطب بنت فراح أبوها طلب منه مهر 50 ألف جنيه.
  • في يوم واحد محشش سأل محشش تاني: لو صحيت ولقيت نفسك ميت هتعمل ايه؟ راح قاله والله لأتهبل.

 

نكت مضحكه عبارة عن كلمات لطيفة تبعث في نفسك انشراحًا، وتعبر عن مواقف معينة أو أحداث، لتقوم بالضحك والابتسام، ويمكنك أن تقرأها بمفردك، أو مع أصدقائك لتضحكوا معًا، كما أنها تجعلك تتخلص مما تمر به من أحزان أو ضيق.

السابق
معنى اسم وتين – هل اسم وتين حرام
التالي
نكت محششين قصيرة وطويلة 2022

اترك تعليقاً